2021-10-12 14:30:00
კავკასიის უნივერსიტეტი (CU)
ფილმის ჩვენება და დისკუსია
კავკასიის უნივერსიტეტში, ფსიქიკური ჯანმრთელობის მსოფლიო დღესთან დაკავშირებით, გაიმართა საგანმანათლებლო-შემეცნებითი აქტივობები, რომელთა მიზანი იყო სტუდენტებში ცნობიერების ამაღლება ფსიქიკური ჯანმრთელობის მნიშვნელობის შესახებ.
უნივერსიტეტში მოეწყო საინფორმაციო კუთხე, სადაც სტუდენტებს საშუალება ჰქონდათ, გაცნობოდნენ თემატურ საინფორმაციო მასალებს.
უნივერსიტეტის წიგნის მაღაზიაში „ლიბრარეა“ გაიმართა შეხვედრა ფსიქოლოგთან, კავკასიის უნივერსიტეტის ასისტენტ-პროფესორ რუსუდან ზაალიშვილთან, რომელმაც ფსიქიკური ჯანმრთელობის კუთხით ახალგაზრდებში არსებულ გამოწვევებზე ისაუბრა. შეხვედრა წარიმართა არაფორმალურ გარემოში, კითხვა-პასუხის რეჟიმში. გაიმართა ფილმის ჩვენება და დისკუსია, რომლის მოდერატორიც ფსიქოლოგი რუსუდან ზაალიშვილი იყო.
