ყველას აქვს პრობლემები ცხოვრებაში. უმეტესწილად, ჩვენ შეგვიძლია სწრაფად, ზედმეტი ძალისხმევის გარეშე გადავწყვიტოთ ისინი. თუმცა მათ მოუგვარებლობას შეუძლია  გამოიწვიოს სტრესი და შფოთვა.

გთავაზობთ სტრატეგიებს ყოველდღიური ცხოვრებისეული პრობლემების გადასაჭრელად.

● გაქვთ პრობლემა?

პირველ რიგში, მნიშვნელოვანია იმის აღიარება, რომ  პრობლემა არსებობს. 

როგორ ამოიცნობთ პრობლემას ადრეულ ეტაპზე?

- შეადგინეთ სია. თავი შეაჩვიეთ ცხოვრებაში არსებული პრობლემების ჩამონათვალის გაკეთებას.

- გამოიყენეთ თქვენი გრძნობები. გამოიყენეთ თქვენი ნეგატიური ემოციები თქვენს დასახმარებლად: ეცადეთ იპოვოთ ის პრობლემა, რომელიც თავს ასე გაგრძნობინებთ, როდესაც განიცდით შფოთვას, სტრესს, იმედგაცრუებას ან გაღიზიანებას.

- იპოვეთ გამოწვევა. თუ ფიქრობთ, რომ პრობლემები არის უდიდესი საფრთხე, რომ ისინი სისუსტის ან წარუმატებლობის ნიშანია და ფიქრობთ, რომ პრობლემების მოგვარება არ შეგიძლით, თქვენ ვერ გადაჭრით პრობლემას!

 ● რაში მდგომარეობს პრობლემა?

- პრობლემის გადაჭრის მცდელობამდე, ჯერ უნდა განსაზღვროთ იგი. 

- მხოლოდ ფაქტები. ფრთხილად იყავით, რათა თავიდან აიცილოთ თქვენი მოსაზრებების ან ვარაუდების შეტანა თქვენს განმარტებაში. ისინი, ხშირად  პრაქტიკულად შეუძლებელს ხდის პრობლემის მოგვარებას.

- იყავით კონკრეტული. თუ თქვენი პრობლემის განსაზღვრისას ძალიან ბუნდოვანი ხართ, გაგიჭირდებათ იმის გაგება, თუ საიდან და როგორ დაიწყოთ მისი გადაჭრა. 

● როგორია ჩემი მიზნები მოცემული პრობლემის გადასაჭრელად?

გთავაზობთ რამდენიმე რჩევას მიზნების დასახვისთვის:

- იყავით რეალისტური. დარწმუნდით, რომ თქვენი მიზნები მიღწევადია.

- იყავით კონკრეტული. თუ თქვენი მიზნები ბუნდოვანია, თქვენ ვერ გაიგებთ, როდის მიაღწევთ მათ.

- დაიწყეთ მოკლევადიანი მიზნებით. თუ თქვენ დაისახავთ მიზნებს, რომელთა მიღწევაც შედარებით სწრაფად არის შესაძლებელი, თქვენ გაქვთ მეტი შანსი, იმუშაოთ თქვენს პრობლემაზე.

● მოიფიქრეთ ახალი გადაწყვეტილებები.

პრობლემების გადასაჭრელად ახალი სტრატეგიების მოფიქრების დროს შეგიძლიათ დაიცვათ „გონებრივი შტურმის“ წესები:

- შეიმუშავეთ გამოსავლის ბევრი გზა/სტრატეგია.

- არ განსაჯოთ თქვენი გადაწყვეტილებები. სულელური, უცნაური ან ექსტრემალური გადაწყვეტილებებიც კი კარგია ამ ეტაპზე. 

- გამოიყენეთ სხვადასხვა სახის გადაწყვეტილება.

- იყავით კონკრეტული. დარწმუნდით, რომ თქვენი გადაწყვეტილებები მოიცავს კონკრეტულ ქცევებს და არა ზოგად სტრატეგიებს.

- ითხოვეთ დახმარება. თუ გიჭირთ თქვენი პრობლემის ახალი და განსხვავებული გადაწყვეტილებების მოფიქრება, ჰკითხეთ რჩევა მეგობრებს, ოჯახის წევრებს ან თანამშრომლებს.

● გადაწყვეტილების მიღება.

გთავაზობთ რამდენიმე სახელმძღვანელო მითითებას, რომლებიც დაგეხმარებათ იპოვოთ თქვენი პრობლემის საუკეთესო გადაწყვეტა:

- მნიშვნელოვანია დარწმუნდეთ, რომ თქვენი გადაწყვეტილება ნამდვილად დაგეხმარებათ მიზნების მიღწევაში. 

- შეიძლება გქონდეთ მოლოდინი, რომ ნებისმიერი გამოსავალი მოითხოვს გარკვეულ დროს და ძალისხმევას, მაგრამ მისი საფასური უნდა შეესაბამებოდეს თქვენს საჭიროებებს.

- თუ ფიქრობთ, რომ გამოსავალი თავს ცუდად, დამნაშავედ გაგრძნობინებთ, შესაძლოა, ეს არ იყოს საუკეთესო გამოსავალი. 
- საუკეთესო გამოსავალი იქნება ყველაზე მეტი სარგებლის და რაც შეიძლება ნაკლები ხარჯის ქონა.

დაიმახსოვრეთ: არ არსებობს იდეალური გამოსავალი; როდესაც განიხილავთ თითოეულ პოტენციურ გამოსავალს, ნაკლებად სავარაუდოა, რომ ის დააკმაყოფილებს ოთხივე კრიტერიუმს.

● გადაწყვეტილების შესრულება.

თქვენ მიერ არჩეული გადაწყვეტილების განსახორციელებლად:

- შეადგინეთ იმ სამუშაოების ჩამონათვალი, რომლებზეც  იმუშავებდით;

- ყოველდღე დაგადაამოწმეთ განცხადებები და რეკლამები;

- დაუკავშირდით ყველა იმ დამსაქმებელს, ვინც აცხადებს  სამუშაოს, რომელიც თქვენთვის საინტერესოა;

- გადააწყვეთ სამუშაო გრაფიკი, რათა საჭიროების შემთხვევაში მიხვიდეთ გასაუბრებაზე.

● შეამოწმეთ თქვენი პრობლემა.

რა ვქნა, თუ ჩემი გადაწყვეტილება არ მუშაობს?

ასეთ დროს გადახედეთ თქვენს ნაბიჯებს და დაუსვით საკუთარ თავს შემდეგი კითხვები:

- სწორად განვსაზღვრე პრობლემა?

- იყო თუ არა ჩემი მიზნები რეალური?

- არსებობს სხვა შესაძლო გადაწყვეტილებები?

- არსებობს უკეთესი გამოსავალი, რისი არჩევაც შემეძლო?

- გავაკეთე ყველაფირი ისე, როგორც მქონდა დაგეგმილი?

თუ ამ ნაბიჯებს დაასრულებთ, შესაძლოა აღმოაჩინოთ, რომ სადღაც შეცდომა დაუშვით, შემდეგ კი შეგიძლიათ გაასწოროთ ის და სცადოთ ხელახლა.

რჩევა: რთული ცხოვრებისეული პრობლემის გადაჭრა რთული სამუშაოა, ამიტომ არ დაგავიწყდეთ კარგად შესრულებული სამუშაოსთვის საკუთარი თავის დაჯილდოება.