სოხუმის სახელმწიფო უნივერსიტეტი უკვე მეოთხე წელია ახორციელებს
საქართველოს განათლების, მეცნიერებისა და ახალგაზრდობის სამინისტროს პროგრამის
„უმაღლესი საგანმანათლებლო დაწესებულებების ხელშეწყობის“ ქვეპროგრამას - სსიპ
სოხუმის სახელმწიფო უნივერსიტეტის პროექტი „სტუდენტების ფსიქოლოგიური და
სოციალური სერვისის პლატფორმის მხარდაჭერა“.
მიმდინარე წელს, ქვეპროგრამის ფარგლებში, უკვე გაიმართა შეხვედრა სსუ-ის
ჰუმანიტარულ მეცნიერებათა ფაკულტეტზე საქართველოს მოქალაქე ეთნიკურად
არაქართველ სტუდენტებთან მათი ჩივილების შესწავლის მიზნით.
2025 წლის 25 მარტს შედგა საინფორმაციო ხასიათის შეხვედრა ქართულ ენაში
მომზადების საგანმანათლებლო პროგრამის სტუდენტებთან, რომლის მიზანი
ამჯერადაც იყო მათი ჩივილების შესწავლა და აქტუალური პრობლემატიკის გამოკვეთა.
შეხვედრის მონაწილეებს მიესალმა ქვეპროგრამის მკვლევარი, პროფესორი ხათუნა
ამაღლობელი. მან ისაუბრა საქართველოს განათლების, მეცნიერებისა და
ახალგაზრდობის სამინისტროს პროგრამის „უმაღლესი საგანმანათლებლო
დაწესებულებების ხელშეწყობის“ ქვეპროგრამის - „სტუდენტების ფსიქოლოგიური და
სოციალური სერვისის პლატფორმის მხარდაჭერა“ მნიშვნელობაზე, მიზნებსა და
ამოცანებზე. ყურადღება გაამახვილა სსუ-ში არსებული ფსიქოლოგიური კონსულტაციის
ცენტრის საქმიანობაზე.
ქვეპროგრამის მონაწილემ, ფსიქოლოგმა ნათია ჭოჭუამ წარადგინა პრეზენტაცია
თემაზე - „სტუდენტების ფსიქოლოგიური და სოციალური სერვისის პლატფორმის
მხარდაჭერა“. მან ისაუბრა უკვე ჩატარებული კვლევების შედეგად გაკეთებულ ძირითად
მიგნებებზე.
პროფესორმა ხათუნა ამაღლობელმა და ნათია ჭოჭუამ ჩაატარეს ანკეტური
გამოკითხვა. სტუდენტები დაიყვნენ ფოკუს ჯგუფებად და უპასუხეს იმ შეკითხვებს,
რომლებიც მოდერატორების მიერ იყო მომზადებული.