სტუდენტობა არის მნიშვნელოვანი პერიოდი. სტუდენტი ხშირად დგება პრობლემის წინაშე – თუ როგორ შეუთავსოს სამსახური და სწავლა ერთმანეთს. იმის გამო, რომ სტუდენტს უწევს სწავლის საფასურის გადახდა და სხვა ხარჯების დაფარვაც, მას ესაჭიროება ნახევარგანაკვეთიანი სამუშაო. ნახევარ განაკვეთზე დასაქმებულ სტუდენტს კი ყოველთვის უნდა ჰქონდეს მხედველობაში, რომ ერთმანეთისგან უნდა გამიჯნონ სამსახური და აკადემიური ცხოვრება.

გთავაზობთ სტრატეგიებს, რათა უკეთ მართოთ სწავლისა და მუშაობის პროცესი:

● დაგეგმეთ წინასწარ.

თუ იცით, რომ დატვირთული დრო მოდის სასწავლებელშიც და სამსახურშიც, დაგეგმეთ წინასწარ თქვენი ქმედებები.

● შეინარჩუნეთ ორგანიზებულობა.

ყოველთვის ჩაინიშნეთ მომავალი ვადები, რათა იცოდეთ, როდის არის სემინარებისა და დავალებების ჩაბარების დრო. ეს დაგეხმარებათ, არ გამოტოვოთ მნიშვნელოვანი თარიღები.

● გქონდეთ კომუნიკაცია თქვენს დამსაქმებელთან.

დამსაქმებლები უფრო სიმპათეტიკურები იქნებიან, თუკი მათ წინასწარ გააფრთხილებთ, რომ აკადემიური მიზეზების გამო არ შეგიძლიათ იმუშაოთ კონკრეტულ დღეს. თუ თქვენ შეძლებთ შესთავაზოთ პრაქტიკული გადაწყვეტილებები და აიღოთ პასუხისმგებლობა როტის ცვლილებაზე, მაშინ ეს წარმოაჩენს თქვენს ინიციატივას.

● სტრუქტურა.

შეეცადეთ, შეინარჩუნოთ სტრუქტურირებული სამუშაო შაბლონები, რაც დაგეხმარებათ დროის ფოკუსირებაში.

● იყავით რეალისტი.

რეალისტურად შეაფასეთ, თუ რისი გაკეთება შეგიძლიათ. სახელმძღვანელოები გირჩევენ, რომ იმუშაოთ კვირაში არაუმეტეს 12-15 საათისა.

● პრიორიტეტული გამოცდებია.

შეეცადეთ, გამოცდის დროს სამუშაო განაკვეთი შეამციროთ ნახევარ განაკვეთამდე. გამოცდების პერიოდში თავი შეიკავეთ დამატებითი საათების შესრულებისგან.

● ესაუბრეთ კურსის ხელმძღვანელს.

თუ თქვენ ცდილობთ, დააბალანსოთ როგორც სამუშაო, ასევე სწავლა, სთხოვეთ რჩევა კურსის ხელმძღვანელს. შეთანხმების შემთხვევაში, კონკრეტული დავალების შესასრულებელი ვადები შეიძლება გაგრძელდეს.

● გამონახეთ დრო დასვენებისთვის.

ნუ დაგავიწყდებათ, რომ გამონახოთ დრო მუშაობის ან სწავლის შემდეგ განტვირთვისა და დასვენებისთვის.

● იარეთ ლექციებზე.

არ გამოტოვოთ ლექციები. თუ გააცდენთ ლექციებს ან ხშირად დააგვიანებთ დავალებების წარდგენას, კარგი შედეგების მიღების შანსი შემცირდება.

● შეაფასეთ თქვენი დრო.

შეაფასეთ, თუ რაზე ხარჯავთ დროს, რათა დადგინდეს ის სფეროები, სადაც შეგიძლიათ შეიტანოთ ცვლილებები.

თუ თქვენ შეძლებთ დროის მართვას მუშაობისას და სწავლისას, შეძლებთ კრიზისული სიტუაციების მართვას.